Marko Txopitea deitzen naiz, sarean Txopi ezizena erabiltzea nahiago badut ere. Webgune hau Interneten dudan txokoa da. Nirekin kontaktuan jarri nahi izanez gero idatz iezadazu e-posta mezu bat helbide honetara:
Datu pertsonalak
Lekeitiarra naiz, ikasketak zirela eta urte dexente Bilbon bizi izan banaiz ere. Orain Barakaldon bizi naiz nire familiarekin. 1975. urtean jaio nintzen.
Ikasketak
Deustuko Unibertsitatean Ingeniaritza Informatikoa ikasi nuen. Ikastaroren bat edo beste egin badut ere, nire kabuz ikastea dut gustokoen eta egia esan horretan dihardut nola edo hala uneoro!
Lana
DocuTEX izeneko enpresa batetan hasi nintzen lanean ikasketak bukatzen nituen bitartean eta hauek burututakoan bertan jarraitu nuen. GFI izeneko multinazional batek erosi zuen enpresa eta ordundik GFI Norte deitzen da.
Gero Open Norte izeneko enpresa batetan hasi nintzen. Hauek ere Tecnocom izeneko beste multinazional batek erosi zituen eta oraingoz bertan jarraitzen dut.
Interesak
Nire interesak azaltzea oso zaila egiten zait, gehiago ala gutxiago gai guztiak interesatzen bait zaizkit. Horregatik, webgune hau ez dago gai zehatz batetara edo batzutara murriztua, une bakoitzean interesa pizten didan edozein gaira baizik. Erakusgarri bezala edo, parte hartzen dudan eta parte hartu dudan talde batzuk aipatu nahi ditut:
- Metabolik BioHacklab
- Sindominio
- Indymedia Euskal Herria
- Hackmeeting
- Librezale
- Sasiburu
- Indignados en Barakaldo
Azalpen txiki honekin nire ibilbidea nondik norakoa izan den erakusteko nahiko delakoan nago.
Bukatzeko
Orain, ni pertsonalki ezagutu ezean, webgune honetako edukiak nork sortzen dituen ideia xume bat izango duzu. Hala ere, testuinguruari jaramon gutxi egitea eta edukiari kosk egitea gomendatzen dizut 
Beste hizkuntzak: castellano, english
Azken iruzkinak