• Ikusi makusi
  • Veo veo
  • I spy with my little eye
Ikusi makusi

This website is frozen and will not be updated more.
From now on the new information will be published at ikusimakusi.eus.

2015/12/31

Tag Archives: Hitzaldia

Software askea Barakaldon

2008(e)ko abenduak 17 1:06 / / Txopi

Pasa den astean hitzalditxo bat eman nuen Barakaldoko Arrano tabernan. Ubuntu 8.10 distribuzioaren hamar bat kopia eraman nituen eta gerturatu zirenen artean banatu nituen. Hitzaldia eman aurretik, jendea ez aspertzeko sistema eragilearen ingurugiroa gainetik erakutsi nuen (Gnomeko menuak, kalkulagailua, jokoak, eta abar.). Txapa eman aurretik, azalduko nuena erabilgarria izango zela argi geratu zedin :-)

Aurkezpenaren ondoren OpenOfficeko Writer aplikazioa, GIMP irudi editorea, Firefox nabigatzailea eta Synaptik pakete kudeatzailea zertarako diren eta oso gainetik nola dabiltzan azaldu nuen. Egin daitezkeen gauza guztiak ikusita, jendea nahiko pozik eta animatuta ikusi nuen. Eman nien CDa live eran behintzat beraien etxeko ordenagailuetan frogatzeko gogoarekin :-D

Gero, galdera asko egin zituzten eta denon artean elkarrizketan aritu ginen. Galderaren bat edo beste gak erantzun zuen, niri laguntzera hitzaldira etorri bait zen. Partaideak pozik ikusi nituen eta batek baino gehiagok GNU/Linux beraien etxeko ordenagailuan nola instalatu jakin nahi zuten. Beraz, hitzaldi honen helburua lortu nuelakoan nago!

Hona hemen erabili nuen aurkezpena:

PDF
20081211SoftwareAskea.pdf (1,4 MB)

ODP
20081211SoftwareAskea.odp (2,4 MB)

Beste hizkuntzak: castellano

/ Etiketatua: barakaldo, formatu askeak, hitzaldia, software askea

Ezagutza librea irakaskuntzan

2008(e)ko azaroak 27 19:28 / 2 iruzkin / Txopi

Gaur goizean, software libreari buruzko jardunaldi batzuk hasi dira Donostian. Nik ezagutza libreari buruzko hitzaldi bat eman dut gaztelaniaz. Prestatu dudan materialarekin, bi gauza azaldu nahi nituen: alde batetik eduki libreak zer diren, eta bestetik, irakaskuntzan eduki libreak erabiltzea zergatik den ongarria. Denbora arazo batzuk izan dira eta lehen zatia bakarrik azaldu ahal izan dut, baina gaur goizean gerturatu diren pertsona motak ikusita (batez ere ikasleak eta baita irakasle batzuk), aukeratu dudana beraientzat interesgarriagoa zen zatia izan delakoan nago. Enpresa munduan interesatuagoak daudenak, badirudi bihar izango dutela beraien txanda.

Gerturatu den jendea oso parte-hartzaile agertu da eta nik uste, hizlariok (Josu Garro, Josu Orbe, Julen Iturbe-Ormaetxe, Ainhoa Ezeiza), gustura geratu garela. Gaur arratsaldean bertan, beste hitzaldi bat dago eta bihar eduki gehiago. Gai hauetan interesa badaukazu eta ondo badatorkizu, jardunaldietara joatea gomendatzen dizut. Nire uste apalean, antolaketan akats batzuk egon badira ere, jardunaldietara joateak merezi du eta. Animatu, oraindik garaiz zabiltza eta! :-D

Hona hemen erabili dudan aurkezpena:

PDF
20081127ConocimientoLibreEnseñanza.pdf (2,3 MB)

ODP
20081127ConocimientoLibreEnseñanza.odp (2,5 MB)

Informazio gehiago:

  • El anillo de oro. Inteligencia colectiva y propiedad intelectual.

Erlaziodun artikuluak:

  • Jabetza publikoa

Beste hizkuntzak: castellano

/ Etiketatua: donostia, hitzaldia, irakaskuntza, jabetza intelektuala, jabetza publikoa, software librea

Eduki libreak Deustuko Unibertsitatean

2008(e)ko uztailak 20 23:50 / / Txopi

Azkenaldian saio dexentetan egin dudan bezala, Deustuko Unibertsitateko Informatika Fakultatean, ESIDEn, jabetza intelektualari buruzko hitzaldi bat emango dut. Apirileko Jardunaldi Hacktibistetan egin nuen bezala, parte hartzaileek software librea zer den jada badakitenez, softwaretik eduki digitaletara askatasunak egin duen saltoari buruz hitz egingo dut.

Pasa den ostiralean hitzaldi honen euskarazko bertsioaren txanda izan zen, eta gaur, gaztelaniazkoarena. Ekitaldi hauek, Deustuko Unibertsitateko e-Ghost taldeak antolatzen dituen udako ikastaroen barruan ospatzen dira.

Leioako gaztetxean eta Zarautzko gaztetxean egin nuen bezala, hitzaldia emateaz gain, “Se creativo” bideoa ikusiko dugu, Kanon digitalaren testa banatuko dut eta bukaeran eztabaida txiki bat egingo dugu denon artean.

Hau da euskarazko hitzaldirako prestatu nuen aurkezpena:

PDF
20080717SoftwareLibretikEdukiLibreetara.pdf (2,1 MB)

ODP
20080717SoftwareLibretikEdukiLibreetara.odp (3,1 MB)

Eta hau berriz gaztelaniazko hitzaldian erabiliko dudan aurkezpena:

PDF
20080721SoftwareLibreContenidosLibres.pdf (2,4 MB)

ODP
20080721SoftwareLibreContenidosLibres.odp (3,4 MB)

Interesa duenak, aurkezpena prestatzeko sortu nituen irudi eta diagrama berriak ere hartu ditzake:

SVG
20080717SoftwareLibretikEdukiLibreetara.svg (80 KB)

ODS
20080717SoftwareLibretikEdukiLibreetara.odt (13 KB)

ODS
20080717SoftwareLibretikEdukiLibreetara.ods (43 KB)

On egin!

Eguneraketa (2008/07/28): Euskadi Digitaleko Rafa Martinezi esker, gaztelaniaz egin nuen hitzaldiaren audioa eskuragai dago:

MP3
20080721SoftwareLibreContenidosLibres.mp3 (54 MB)

Beste hizkuntzak: castellano

/ Etiketatua: deustu, eduki libreak, hitzaldia, jabetza intelektuala, software librea

Kultura librea Putzuzulo Gaztetxean

2008(e)ko maiatzak 26 23:30 / Iruzkin 1 / Txopi

Bihar arratsaldeko zortziretan, kultura libreari buruzko hitzaldi bat emango dut Zarautzko Putzuzulo Gaztetxean, bertako Arraio Irrati librearen bigarren urteurrena ospatzeko antolatu dituzten ekitaldietako bat bezala. Hitzaldi honen edukiak Udondo Gaztetxean eman nuen hitzaldiaren antzekoak dira. Eguneratu ditudan edukiez aparte, desberdintasun bakarra oraingoan hitzaldia euskaraz izango dela da.

Hona hemen prestatu dudan aurkezpena:

PDF
20080527KulturaLibrea.pdf (2,6 MB)

ODP
20080527KulturaLibrea.odp (4,3 MB)

Eguneraketa (2008/05/31): Txipik egindako zuzenketa bat eta nik neuk hitzaldia ematerakoan aurkitu nituen akats batzuk zuzendu ditut aurkezpenean. Bestalde, 7. orrialdean agertzen den diagramaren iturri-kodea ere eskuragarri uzten dut:

SVG
20080527KulturaLibrea.svg (65 KB)

Erlaziodun artikuluak:

  • Isiltasun Gizartearen legea heldu da
  • Kultura librea Udondo Gaztetxean

Beste hizkuntzak: castellano

/ Etiketatua: hitzaldia, jabetza intelektuala, kultura librea, zarautz

Kultura librea Udondo Gaztetxean

2008(e)ko apirilak 10 10:21 / 2 iruzkin / Txopi

Gaur bertan, arratsaldeko zazpiretan, hitzaldi bat emango dut Leioako Udondo Gaztetxean. Jabetza intelektualarekin erlazioa daukaten hainbat gairi buruz hitzegingo dut: jabetza publikoa, copyrighta, copylefta, anti-copyrighta, creative commons lizentziak, jabetza intelektualaren legea, kopia pribatuaren eskubidea, kanon digitala, P2P sareak, SGAE, aipamen eskubidea, liburutegietako maileguen kanona, kultura librearen aldeko ekintza batzuk, gai honen inguruko epaiketak, etab. Ikus daitekeenez, denetarik pizka bat! ;-)

Erabiliko dudan materiala “se creativo” animazioa, kanon digitalaren testa eta ondorengo aurkezpena izango da:

PDF
20080410CulturaLibre.pdf (2,3 MB)

ODP
20080410CulturaLibre.odp (3,8 MB)

Erlaziodun artikuluak:

  • Isiltasun Gizartearen legea heldu da

Beste hizkuntzak: castellano

/ Etiketatua: hitzaldia, jabetza intelektuala, kultura librea

Sare gizartearen erronkak

2007(e)ko azaroak 19 23:34 / / Txopi

Egun pare bat barru Enpresa Digitalak antolatutako “Enpresa 2.0″ izeneko jardunaldi baten hitzaldi bat emango dut. Ekitaldia gaztelaniaz ospatuko da. Ekitaldiaren egitarauan ikus daitekeenez, hiru hitzaldi emando ditugu eta gero, partaide guztien artean, mahainguru bat burutuko dugu. Nire hitzaldiaren izena (eman didatena) “Sare gizartearen erronkak” deitzen da eta bertan, software librean ematen den elkarlanaren berezitasunak erakutsiko ditut eta baita honek softwarea garatzen jarduten diren enpresetan izaten ari den eragina ere.

Aste bitan zehar, jardunaldi hau Araba, Bizkaia eta Gipuzkoan ospatuko dugu eta Gorka Juliok bere blogean azaltzen duen bezala, jardunaldiak bigarren zatia izango du, elkarlanerako tresna eta teknologiak landuko dituena.

Nire hitzaldiko gaia interesgarria iruditzen bazaizu, Arabako hitzaldian erabiliko dudan aurkezpena ikus dezakezu:

PDF
20071121LosRetosDeLaSociedadEnRed.pdf (1,9 MB)

ODP
20071121LosRetosDeLaSociedadEnRed.odp (1,7 MB)

Eguneraketa (2007/12/01): Jardunaldiak bukatu dira eta nire ustez oso ondo atera dira. Hiru herrialdeetako jardunaldietara, guztira 150 pertsona etorri dira Julen Iturbek, Mikel Etxarrik eta hirurok esan behar genituenak entzutera eta zer pentsa behitzat eman diegu. Portzierto, nire aurkezpenean agertzen diren diagrama batzuren iturri-fitxategiak gehitzen dizkiot artikulu honi, norbaiti baliagarriak izan daitezkelakoan. Hemen daude:

ODS
200711LosRetosDeLaSociedadEnRedDiagramas.ods (200 KB)

SVG
200711LosRetosDeLaSociedadEnRedDiagramas.svg (32 KB)

Beste hizkuntzak: castellano

/ Etiketatua: copyleft, elkarlana, enpresa, hitzaldia, jabetza intelektuala, software librea, SVG

Bidalketa nabigazioa

« Aurrekoa 1 2 3 Hurrengoa »

Azken iruzkinak

  • gorkaazk(e)k Ideia baten jabe izan zaitezke? bidalketan
  • Txopi(e)k Ideia baten jabe izan zaitezke? bidalketan
  • @gorkaazk(e)k Ideia baten jabe izan zaitezke? bidalketan
  • Txopi(e)k Liburuaren etorkizuna bidalketan
  • Sare sozialen sukarra eta kontsumo gizartea | zuzeu.com(e)k Sare sozialen sukarra Donostian bidalketan

Azken bidalketak

  • ikusimakusi.net –> ikusimakusi.eus
  • Sare sozialen sukarra Sestaon
  • Irailetik aurrera Bimbo ogia Chilly deituko da
  • Sagardoaren dieta hemen da!
  • AZTI-Tecnaliak Doraemon-en surf taula hegalaria sortu du

Etiketak

aeb alderdi politikoak azkue fundazioa barakaldo batasuna bilbo blogak cc0 crabgrass creative commons cryptosms d3m donostia e-book eaj eduki libreak euskara gara gaur8 gnupg hitzaldia internet irudigintza izparringia jabetza intelektuala jabetza publikoa kriptografia kultura librea leioa meta musika p2p politika politika 2.0 psoe sare sozialak sgae software askea software librea SVG tailerra umorea upv/ehu web 2.0 wikipedia
© Copyright lizentzia: Bat ere ez! (jabetza publikoa)
Ostatzailea: Sindominio
Infinity itxura nork: DesignCoral / WordPress